Kúgunartilraunir og hrottaskapur formanns menntráðs Reykjavíkurborgar

Á vísi.is getur nú að líta tilvitnun í einhverja Oddnýju Sturludóttur sem titluð er formaður menntaráðs. Orðfærið sem nefnd Oddný velur sér að viðhafa myndi sóma sér ágætlega úr röðum eftirlýstra hryðjuverkamanna eða þvíum líkra pótíntáta, í besta falli vel vaxinna handrukkara. Nefnd Oddný gerir sig bera af þvílíkum „ofsafengnum viðbrögðum“ (svo vitnað sé í fyrirsögn á forsíðu Fréttablaðsins í dag þar sem haft er eftir formanni mannréttindaráðs Reykjavíkurborgar) að venjulegt fólk setur hljóðan. Orðrétt er haft eftir: „Oddný Sturludóttir er formaður menntaráðs. Og ætlar að stíga uppí næstu pontu og hafa ítrustu skoðun á innri málum kirkjunnar, fordómum yfirstjórnar kirkjunnar gegn hjónabandi samkynhneigðra og klúðurslegum viðbrögðum hennar í tengslum við kynferðislega misnotkun kirkjunnar manna á skjólstæðingum sínum. Væri það ekki bara eðlilegt miðað við afskipti og áhuga biskups á skólastarfi? Ég hef skömm á viðbrögðum biskups." Þessi ummæli nefndrar Oddnýjar bera merki áður óþekkts hrottaskapar manneskju í hennar stöðu. Alvarlegar hótanir um kúgun af verstu sort. Slík framganga er hreinræktaður níðingsháttur sem er þessari manneskju og þeim málefnum sem hún þykist vera að ganga erinda fyrir síst til framgangs.

Ef þessi framganga er vitnisburður um þá siðfræði sem koma skal í kennslubækur og samfélag, þegar unnið hefur verið á gildum kristins þjóðfélags. Þá er nú kominn tími til að byðja almættið bannfærða um að hjálpa okkur.

Athugasemdir

[ThoR-E, 4.11.2010 kl. 08:43]

"Þessi ummæli nefndrar Oddnýjar bera merki áður óþekkts hrottaskapar manneskju í hennar stöðu."

Þú hefur ekki heyrt það sem kom frá biskupnum?